Í løtuni eru vit báðar Durita og Súna, umboðandi Fountainhúsið, á skeið í Fountainhúsinum Gøteborg.
Kjakevnini i dag, hava m.a verið:
- Hvussu kunnu vit fanga áhuga hjá ungum, sum hava gleði av at koma til arbeiðis í Fountainhúsinum?
- Hvat hevur týdning fyri tann einstaka, og hvussu møta vit teimum ungu, fyri at røkka teirra ynskjum og dreymum?
- Hvørjar avbjóðingar eru í teimum ymisku Fountainhúsum, serliga við at varveita áhuga og eldhugan hjá teimum ungu?
Okkara fyrstu dagur hevur verið sera áhugaverdur. Vit kunnu geva nógv av okkara royndum heima í Føroyum og somuleiðis eru góð ráð og royndir frá øðrum, sum vit kunnu taka við okkum heim aftur.
Vit gleða okkum til dagin í morgin, við enn fleiri kjakevnum um “Young adults in clubhouses” ?
