Altjóða Sálarheilsudagurin er eitt afturvendandi tiltak, sum aftur í ár, fyri triðju ferð, verður hildin í Öström í Tórshavn 10. oktober 2019.

Upplegg, tónleikur og básar við kunning um stovnar, feløg og onnur, sum arbeiða innan økið, eru við á degnum. Evnið fyri dagin í ár er “sjálvmorð”, sum WHO (Altjóða Heilsustovnurin undir ST) hevur valt sum altjóða evni.

Drekkamunnur og søtt til góman verður at fáa.
Tiltakið byrjar kl. 14, og tað er ókeypis. Øll eru vælkomin.

Tiltakið sæðst á Facebook síðuni hjá Sinnisbata

Skráin fyri dagin sær út soleiðis:

Kl. 14:00: Dyrnar lata upp.

Kl. 14:25 Róa Midjord, forkvinna í Sinnisbata bjóðar vælkomin.

Kl. 14:30 Recovery spælir nøkur løg

Kl. 14:45: “Avleiðingar av fosturtøku kunnu vera lívshóttandi. Hvussu hjálpa vit?” v/ Mariu Forrestal úr Rachel’s Vineyard Føroyar

Kl. 15:15: “Kanning um sjálvmorðsroyndir í Føroyum í einum 5 ára tíðarskeiði frá 2014 – 2018” v/ Sólrun Joensen og Jórun Højgaard, intensivir sjúkrarøktarfrøðingar við master í heilsuvísund.

Kl. 15:45: Steðgur + kaffi + básar.

Kl. 16:30: “At liva við sjálvmorðstonkum, og tað sum gjørdi at eg valdi lívið framum” v/ Sondy Simonsen

Kl. 17:00: “ Sjálvmorð og fyribyrging – fakta og mýta “ v / Birgit Andresen & Jana Mortensen

Kl. 17:30: “Barna bati seinastu 40 árini” v/ Djóna Eidesgaard, aðalskrivari í Barnabata

Kl. 18:00: “Meining og vón í líðing” v/ Róland í Skorini.

Kl. 18:30: Ársins Sálarheilsuvirðisløn verður handað (Sinnisbati).

Kl. 19:00: Takk fyri hesuferð – síggjast í 2020!


Feløg og stovnar, sum hava hug at hava ein bás hendan dagin, eru vælkomin at seta seg í samband við Lauru Apol, aðalskrivara í Sinnisbata við at ringja á 597913 ella við at skriva til laura.apol@sinnisbati.fo. At hava bás er ókeypis.

Feløg og stovnar sum eru við á hendan dagin eru (GG: fleiri feløg verða løgd afturat): psykiatriska depilin, Almannaverkið, Fountainhúsið, Gigni, Heilsurøktarafelagið, Dugni, Fólkaheilsuráðið, Blái Krossur, Rachel´s Vineyard Føroyar, Grit, KRIS, Føroya Politi, Barnabati, ADHD-felagið, Fysioterapi felagið, Tórshavnar Kommuna, Megnar títt lív, Autismufelagið, Reyði Krossur Føroya og Sinnisbati.

%d bloggers like this: